Cima di Cantun

Remarque : Cet article est disponible dans une langue uniquement. Auparavant, les bulletins annuels n'étaient pas traduits.

Gruppa del Forno.

Da Giorgio Steinrisser-Caprez.

Ils 19 Avuost 1933. Uen stupend di chi invida tuots ils amihs della natura da passenter la fin dall' eivna in muntagna. Nossa gruppa da trais persunas, cun Heinrich Müller scu guida, sorta a Malòggia dal auto postel. Aunch'ün sguard sur ils bels lejs d'Engiadina e nus svanins davous la paraid del Piz della Margna, pigliand direcziun vers il Forno. Uen'ura da chamin, ed inaspetedamaing vain a parair nella sumbriva della bos-cha la perla dell' Engiadina, il lej da Cavloccio, nel quél as spievlan ils granduis contuorns. Da co davent dvainta la semda pü crappusa, la contredgia pü sulvedgia e l'ajer pü criij. Nus ans avvicinains al grand vadret, chi as preschainta sul fer della not scu una paraid naira, inaccessibla. Quaista apparentscha deriva dalla morauna, chi cui ir dels ans gnit porteda dal vadret vers la val. Mettand nos pè sul glatsch as muda però sieu aspet. Il prüm tòch ais bainschi stip ed interruot da pitschnas sfessas, ma pü ot ch'ün riva e pü planiv ch'el dvainta. Uen ventin tevi scu'l fled del luf ans vain incunter. u Segn da bel' ora pretenda nossa guida. Inua cha la val as slargia as pò observer nella s-chürdün dalla vart schnestra una laungia da naiv. Quaista indicha il lo inua cumainza la semda chi condüa in 25 minuts al refugio.

Arrivos nella chamanna gnins arvschieus scu vegls contschaints da Krause « vulgo Munk », il guardia chamanna chi passainta daspö bgers ans la sted in quaista contredgia solitària, per as retrer d'utuon allas rivas del lej da Constanza. Uena buna tschaina, prepareda da nossa guida serviziaivla, ün per uras da dutsch repos, e darcho ans rechattains in viedi. Arrivos darcho sul vadret, ün per tschient meters dadains il punct ch'avains banduno la saira aunz, traversains quaist in lingia dretta vers nord-vest. In fatscha s'adozza il Cantun, il but da nossa gita. La prüma spuonda ais da principi crappusa e stippa e pü ad ot cuverta da vadret. Quaist ultim pelsolit cuvert da naiv, as preschainta in una corazza da glatsch dur, sul quél niauncha las crapellas nun chattan artegn. Uschè essans oblios da fer s-chelins fin cunter il spelm, que chi occasiunescha una perdita da temp d'un'ura. In taunt pü bunas condiziuns chattains la spelma. Zieva cuorta rampcheda arrivains alla prüma sella, dalla quela as descenda sul vadretin davous. La munteda cumainza da nuov in direcziun vers il Scalino. Laschand quaist a dretta arrivains, cregns da süjur, al pè del prüm Piz. Deliberos dallas crapellas e rinforzos cun una bucheda dains attach alla prüma Crasta. Intuorn chantuns, sur plattas glischas, sur pizs agüzs e craps tagliaints ans maina amih Heinrich cun calma e sgürezza vers l'otezza. Ogni pass ais uschè bain pondero e guarantieu, cha nus al seguins in plaina fiduzia sur tuots ils obstaculs. Quaista traverseda dumanda granda perseveranza e buna tecnica, spordscha però grand giodimaint cun sia gran-duisa variaziun.

Die Alpen — 1937 — Les Alpes.13 Sul gendarm il pu dt ans fermains, e giodains una vista magnifica. Vers sud s'adozza il Torrone occidentale e davous, sün tenitori italiaun as preschainta in tuot sia majested il Monte della Disgrazia, nel vest il Castello cun sia paraid perpendiculera e traunter quaist e'1 Torrone la renomneda Punta Rasica. Da nord-ost ans salüdan la Cima del Largo e'1 Bacun e suot nus in granda profondited gescha la Val Bregaglia.

L'ura avanzeda ans oblia da continuer nossa gita, ans rechattand nus accò be immez la traverseda. Arrivos nella sella chi separa ils duos Pizs, ün intagl stret e spuondiv, ans stovains darcho munir cullas crapellas, siand la seguonda Crasta cuverta da naiv e glatsch. Exposta al Solagl da mezdi, ais quaist'ultima ascenziun sfadiusa, ma spordscha danòvamaing variaziun. Precis all' üna ans salüda l'ultim gendarm, nus essans a destini As tratta però da festiner, perché il viedi ais auncha lung e'ns oblia da descender per la via la pü cuorta. Las pu grandas difficulteds occasiuneschan ils prüms tschient meters. Il spelm suot nus nun do üngün astegn ed imnatscha da's schoglier suot nos pais. Per éviter üna disgrazcha stovains fer il gir intuorn ün gendarm ed arrivos sulla naiv nel chamin crajains dad esser in sgürezza. Ma tuot dandet la persuna d'immez perda l'artegn. Tgnand la sua cuorta e ferm in maun am reuschescha que da frener la caduta ed intaunt as po la guida davaunt asgürer cul zappin. Uschè podains éviter üna schlischeda, chi avess podieu davanter fatela per nus. Uen prievel exista nella possibilted, cha la naiv s-chodeda dal solagl, as podess metter in movimaint ed occa-siuner una lavina. Uen seguond norma una sfessa largia chi's evra in dretta lingia nella profondited.

Quaist'aventura ans algorda alla disgrazcha arriveda duos dis aunz sul Piz Roseg, inua una gruppa da quatter inglais sbrüs-chet our e crudet suringio ün spelm sul vadret da Sella. In simila situaziun ans chattains sulla spuonda stippa del Cantun. La naiv bletscha ho formo burluns traunter ils pizs délias crapellas ed occasiuno la schlischeda. Nella continuaziun della descensiun nun aintran oters obstaculs ed uschè arrivains in cuort temp sul vadret del Castello, cun sias numerusas sfessas, las quelas ans oblian da fer différents deturs. Duos uras ziev'esser partieus dal seguond Piz ans rechattains darcho sul vadret del Forno, poch dalòntsch dal lo da nossa partenza avaunt 11 uras. Da lo davent fin Malò'ggia ais que aunch'una brava sgambatta e'1 solagl aunch'in plaina splendur augmainta la said da möd, eh'una fermata ali'usterietta da Cavloccio ais pü eu indicheda. Uschè vo a fin ün di, chi ans resterò saimper in buna memoria.

Feedback