Cun tschiera e naiv sül Urirotstock

Remarque : Cet article est disponible dans une langue uniquement. Auparavant, les bulletins annuels n'étaient pas traduits.

Da Dolf! Heinz

( Zürich ) Partind da Turich a bun'ura sün mieu velo, bainschi preaviso dal radio d'ün'ora pütost melsgüra, survain eau il prüm rinfras-ch d'üna cuorta razzeda già aunz eu river a Brunnen. Sainza am lascher impreschiuner proseguesch eau lung la riva dal Lej da las Quatter forestas sün la bella e largia via da l'Axen, profitand d'una galaria a l'otra da la bella vista chi's preschainta mincha vouta darcho cun un nouv queder. Passo Flüelen travers eau la punt sur la Reuss per arriver bod il zievamezdi ad Isleten a l'imbuochadüra da la Val d'Isen, inua ch'eau depositesch mieu veicul e'm permet una cuorta posa aint il unie restorant a la riva dal lej. In vista al fat ch'eau am rechat dasper ad una bain granda fabrica da prodots explosivs, preferesch eau da festiner cun ma bucheda e d'impizzer ma pipa par zieva avair repiglio mieu viedi, chi dvainta viepü interessant cul s'aduzer da la via in diversas serpen-tinas sü per la stipa spuonda e'm dand libra vista suravi il lej vers la pianura da la Reuss cun las vschinaunchas Altdorf ed Erstfeld e l'imposant Bristenstock i'1 fuond da la val. Ziev'ün'ura da chamin ragiundsch eau Isenthal, l'unie vi chi porta il nom da la val solitària illas muntagnas dal Chantun Uri. Co as sparta la valleda in Val granda e Val pitschna. Dadourvart la porta d'baselgia algorda una simpla tevla da bruonz als tschinch tregants Die Alpen - 1953 - Les Alpes10 chi turnand d'una festa da tir in lur barcha dvantettan victimas d'un orrend orizi poch aunz cu avair ragiunt la riva. La tevla ais dedicheda da l'Associaziun svizzra da tregants in me-morgia als camarads.

Eau repigi per quista vouta mien viedi vers la Val pitschna, cugnuschand già ils pass da muntagna da la Val granda, ed in circa duos uras ragiundsch eau l'Alp da Musen al pè da l'Urirotstock. Bletsch scu un pigliat sun eau cuntaint d'esser per quista saira suot tet e da pudair gnir arvschieu, scha eir cun pochs pleds, ma taunt pu amiaivelmaing, dal sain e sia famiglia e da pudair dalum am s-chuder davousaint il baunch d'pigna illa prüveda stüvetta. Grazcha a l'ora sun eau hoz l'unie giast nu turist, uschè cha sul fain fras-ch ed aro-matic am staun a dispusiziun tuot las cuvertas sainz'ulteriura cuntaversa.

ìntaunt cha cuour cuntinua a plouver am restoresch eau cun ün stupend cafè cumplet. Impè da las quatter u tschinch ballinas d'painch üsitades sulla maisa da stagiun, paradescha quista saira Sun maisa in bel burlin gust sortieu da la pneglia.

Glivredas las lavuors dal di in tegia ed in stalla, do il cho d'famiglia la benedieziun d'alp cuour a Tur da l'era. Per cha l'aröv vegna udieu eir in las alps e tegias circumvicinas, s'in-serva el d'una spezcha padriöl da lain chi fo il servezzan da megafon. Quaist'ais una veglia üsaunza chi s'ho mantgnida fin al di d'hoz, pustüt illas alps dal Chantun Uri.

ìntaunt ho la s-chürdüna raso our sieu zindel e la quaidezza notturna, be pü inter-ruotta da qualche dispers cling da s-chella, piglia sieu solen suramaun.

Cur ch'eau intuorn las tschinch a burnirà m'alvaint da mieu cuotsch, essans nus circun-dos d'una spessa tschiera. La plövgia ho pel mumaint tschesso, e cugnuschand la senda chi maina vers il spih, am resolv eau da cuntinuer mia gita, adonta cha'l sain am scussaglia. Tar ma prüma posa ed intaunt ch'eau sun occupo cui studi da la charta topografica, as spartan las tschieras, ed eau poss m'orienter, chattand uschè bainbod darcho la sendina chi da co davent ais segneda vaira bain cun strichs e frizzas cotschnas.

Zieva trais uras am rechat eau al pè dal Vadret. La bês-cha chi ho chatto ricover suotaint ün spelm pera d'esser stutta da vair il viandaun solitari. La traverseda dal glatscher dumanda alquaunta precauziun, siand cha'l tschêl s'ho darcho ins-chürieu e sur il vadret e la morena as placha una naivina fina fina. A nun ais da perder tempFurtünedamaing chat eau bainbod la fuorcletta cul muossavia già bain cuviert da naiv, il quel indicha la schmunteda vers Biwald aintasom la Val granda. Pervia da la vista avess eau chöntsch pudieu desister da ragiundscher eir auncha la sommited, ma in ün'ulteriura mezz'ora sun eau l'istess tar l'homin da crap. Cun ün strasunant güvel am met eau ad it aval cun bun pass e preferesch da fer marenda in regiuns pü bassas. Grazcha a la senda bain marcheda arriv eau saun e salv intuorn las quatter tar l'Alp Biwald, la quela serva eir da refugi per turists. Co am decid eau da traverser auncha la fuorclina, per esser la saira a las ses sün nouva via darcho a l'Alp Musen, inua cha passaint una seguonda saira d'amiaivla ospitalited. Già cha l'ora nun as voul milder, am resolv eau d'interrumper per intaunt mieus ulteriuors progets in quistas fich interessantas varts da nossas cheras muntagnas. Vers mezdi arriv eau ad Isleten e poch pü tard parta la barcha chi'm maina fin a Brunnen per alura cuntinuer mieu retuorn cul velo ed arriver intuorn las ses darcho a chesa.

Feedback