75 ans C. A. S

Un di commemoratif.

Il Comité Central alias secziuns e lur commembers. Chars clubists, II 19 avrigl 1938 s'allegran ils amihs da las muntagnas da festagiar la memoria a la fundaziun dal Club Alpin Svizzer, chi avet lo avant 75 ans aint illa sala sura da la staziun dad Olten. Tranter ils 35 fundatuors dais chantuns Basilea, Berna, Turig, Luzerna, Aargau, St. Gallen, Glaruna, e Solothurn as rechataivan eir trais dad Olten stess. Qualchün oter revgnerà aint ill' ediziun da giubileo da las Alps sün ils evenimaints chi avaivan precedü alla fundaziun dal C.A.S.

In lügl dal listess an, quintaiva il Club Alpin fingià 257 commembers.

L'iniziativa per la fundaziun eira id' oura da Dr. Rud. Theodor Simmler, quella vouta docent da chemia e geologia a l'università da Berna. Que fût el chi clamet insembel ils amihs da l'alpinissem per discuter cun eis sur da seis proget.

A la prüma radunanza gnittan elets Dr. Simmler sco president, e Dr. Bischoff scu actuar.

La prüma gita uffiziala gnit effectuada aint il territori dais vadrets dal Tödi e da Clariden.

L'istorgia ans demossa cha la città dad Olten eira già da prüm innan culliada cun il C.A.S. Sia posiziun centrala, chi ha favorisa già tantas societads svizzras, sarà eir il motiv cha Olten ais statta la chüna da noss Club Alpin.

Giant inavo in impissamaints per 75 ans sul di 19 avrigl, schi ais que cun admiraziun e granda recugnoschentscha per quels pacs homens, amihs da lur patria e da lur muntagnas, chi han savii dar vita ad ün'instituziun, la quala cui it dals ans ais dvantada üna da las plü grandas organisaziuns svizzras sün basi vairamaing ideala. Our da l'enorm svilup dal C.A.S. e da sias prestaziuns durante quaists 75 ans, vulains be cuort trar adimaint:

Las 111 chamannas, ils 114 posts da salvamaint, la sgiiranza obligatoria per cas,da disgrazcha, la sgiiranza da guidas, la publicaziun da Chartas e guidas da muntagna, las contribuziuns per il mantegnimaint dal Museo alpin e per l'Observatori sul Jungfraujoch, etc.

A l'istess momaint vains percunter eir il dovair da'ns render quint sur da las meras e'is dovairs chi spettan al C.A.S. per l'avgnir:

Enorma ais la differenza tranter l'alpinissem dad üna vouta e quel dal preschaint. Da plü bod eiran amò bleras las muntagnas chi spettaivan sün lur prüma ascensiun; ed in tuot las Alps eira amò blera prüma ed interessanta lavur da prestar sün territori botanic e geologie; innombrablas otras dumandas scientificas spetteivan sün lur soluziun.

Al di d'hoz non da que plü muntagnas incontschaintas, la literatura scientifica alpina ais intant dvantada bain richa. L'alpinissem ha fat tras ün grand svilup, ma ha forsa, güst tras quai, pers una part da sia bellezza, da 75 ANS CLUB ALPIN SVIZZER.

sia poesia, da sia orma. Ils grands progress fats da la tecnica da l'alpinissem, ils mers perfecziunads da l'equipaggi, la fazilità da transport, tuot insembel ha contribuì a degradar dischplaschaivelmaing bain sovenz l'alpinissem sün ün s-chalin da record o dad acrobatica. Tuot quaistas circustanzas han natiiralmaing eir contribuì a diminuir l'interess scientific tar biers alpinists, favorisant inveze il svilup püramaing sportiv.

Id ais dificil da prevair l'influenza cha quaistas circustanzas puderan avair per l'avegnir. Una chosa però, chars cumpagns, stovain e vulain aduna tgnair viva e preschainta davant nos ögls, sco mera da nos Club Alpin Svizzer e quai ais: la energica cumbatta cunter qualunque fuorma da record o da sport exsagerà.

Ils statuts stats dats al C.A.S. al temp da sia fundaziun, expriman, sco scopo e sco ideal, precisamaing nos möd preschaint da pensar. Nossa convincziun non pudess gnir expressa plu bain co con ils pieds chi as rechattan ill' artichel 1 da noss tschantamaints centrals:

« II C.A.S. ais una reuniun dad amihs da las muntagnas. Sen e scopo ais da facilitar gitas ed excursiuns, dad approfuondir la cugnoschentscha da las muntagnas svizzras, da mantgnair e protéger lur bellezzas e, tras quai, da sdasdar e cultivar l'amur per la patria. » Chars camerads, il meglder möd da festegiar e onurar il 75. avel anni-versari da nos Club Alpin, ais sgür quel, da'ns render quint cha quai ais necessari da defender e svilupar ils ideals dal C.A.S. cun tuot nossa forza e cun tuotta noss'amur.

Pit co mai ais uossa indichada una lavur unida e ün « as volair incleger e giidar » da tuot ils bainpensants.

Güst in quaists temps greivs e plains da difficultads, sun biers chi tscher-schan illa quietezza da nossas muntagnas nouva forza e nouv curaschi per viver lur vita in möd güst e bun.

Quaist taimpel da la natura ans vulain nus mantgnair in tuot sia grandezza; nus il volain protéger cunter tuot attach indegn.

Vulains mantgnair in nus la vaira amur e il respect per nossas muntagnas e per nossa patria. Quel chi tschertschess da disturbar in nus quaists pro-fuonds sentimaints, ais ün indegn. El commetta una noscha aziun, perché cun que ans vuless el privar d'un da nos pü ots bains chi nu's laschan rimplazar né materialmaing né idealmaing.

Sco cha nos compatriots da lingua tudais-cha, in momaints d'increschen-tüna, s'impaissan sün la chanzun da lur Gottfried Keller, pensan ils rumantschs als pieds dad Andrea Bezzola:

« Meis char pa jais, fintant splendura Sur munts e vais glün'e sulai, fintant tras spelma l'En murmura meis tour nun ama co a tai. » Per il Comité Central dal C.A.S.:

Il president:

Spring.