Spelm erratic

Remarque : Cet article est disponible dans une langue uniquement. Auparavant, les bulletins annuels n'étaient pas traduits.

Da Peider Lansel.

Vegl granit transporta sün 1a rain d'un vadret Lönch davent da ta retica chiina, Invludà aint il god stast tü trist e sulet Sco somgiond la passada fortüna.

Dim, o veder granit, invlüdà e dascus Aint il god sot la verda sumbriva, At algordast del di cur teis chê glorius Sün il piz ot nel tschel splenduriva?

Tu portaivast sül frunt ün pürischem diadem D' alba naiv al sulai straglüschainta, Sur teis vschins at dozaivast sco cuolmen suprem Superbgius da l' otezza possainta.

Sü da god tot chargià d'ün alpina savur Gniv'il vent cun sa lomma charezza, Il roc juvel da l'aigl' eira l'uniec rumur Chi's udiss in quell' ota quietezza.

Neir l'orizzi furius nun at faiva tremblar Eir scha strusch la sajetta passaiva E'1 rimbomb amo lönch cun terribel tunar Intourn tai nel desert srantunaiva.

At algordast, granit? Uoss'est qua be sulet Aint in god sainza gloria ni spranza, Sur tai serra dschingliusa la romma seis tet Cun il müs-chel at covr'invlüdanza.

Sco tü crap, uoss'eir eu, be ün ester sun quà E cun l'orma d'increschantüm plaina Am impais, o granit, quant dalönch chi es ma D'nossa pizza la lunga chadaina!

Feedback